Nigeria vs Madagascar: Super Eagles egosila The Barea nkarị

Otu egwu bọọlụ Super Eagles nke Nigeria ejirila mmeri malite ntozuoke maka asọmpi Iko Mba Afrịka nke afọ 2027.

Super Eagles gosiri ike ha site n'iji ọkpụ goolu abụọ a satara otu (2-1) merie otu egwu bọọlụ The Barea nke mba Madagascar.

Ịmaaka ntozuoke a kpọtụrụ n'ụbọchị Fraịde 25 Septemba 2026 n'ama egwuruegwu Godswill Akpabio International Stadium dị n'Uyo n'Akwa Ibom Steeti.

Ọkpụ goolu abụọ sitere n'aka George Ilenikhena na Moses Usor nyere Nigeria akara atọ ha chọsiri ike iji merie Madagascar.

Nigeria vs Madagascar: Ntụle bọọlụ ndị ga-ekpebi ndị ga-eru Afcon

Ndị Nigeria ga-amalite ọgụ ha maka iru eru n'asọmpi Africa Cup of Nations n'ụbọchị Fraịde mgbe ha ga-anabata Madagascar.

Nnukwu ndị bọọlụ Afrịca a ga-etinye uche ha n'ịru eru maka asọmpi Africa Cup of Nations nke afọ 2027, nke a ga-eme na Tanzania, Kenya na Uganda.

A ga gba bọọlụ ahụ na Godswill Akpabio International Stadium site n'elekere ise nke mgbede (5pm BST) n'ụbọchị Fraịde.

Super Eagles na-abanye n'asọmpi iru eru a mgbe ha gosipụtara arụmọrụ dị mma n'asọmpi ikpeazụ.

Ha meriri Jamaica 3-0 na egwuregwu enyi na enyi, meriekwa Zimbabwe 2-0, ma soro Poland kee akara 2-2 n'egwuregwu na-atọ ụtọ.

Victor Osimhen anọghị ugbu a n'ogige Super Eagles, ya mere ọ gaghị eso na egwuregwu mbụ ndị a.

Ka ọ dị ugbu a, onye nchịkwa Eric Chelle akpọọla onye mgbata goolu Coventry City, Taiwo Awoniyi, onye ntorobịa na-awakpo ndị mmegide George Ilenikhena, onye natara oku mbụ ya n'òtù mba ukwu, na Ademola Lookman.

Ndị egwuregwu etiti nwere ahụmahụ, Wilfred Ndidi na Alex Iwobi, nwere ike ịbụ ndị ga-arụ nnukwu ọrụ n'ịchịkwa etiti egwuregwu ma nyere Naịjirịa aka idobe bọọlụ nke ọma.

Madagascar enweghị ike iru asọmpi Afcon atọ gara aga.

Ha ruru ruo n'agba nke Quarter-final n'asọmpi Afcon mbụ ha sonyere na ya n'afọ 2019.

Ndị Barea tụrụ Super Eagles n'anya n'asọmpi ahụ mgbe ha meriri ha 2-0 n'egwuregwu nke ogbo otu.

Onye bụbu onye nchịkwa Libya na Mauritania, Corentin Martins, bụ onye nchịkwa ọhụrụ Madagascar, ma ọ na-eweta nnukwu ahụmahụ.

Ọ duru Madagascar iru asọmpi Afcon nke afọ 2019 na 2021. Ndị na-akwado Barea na-atụ anya na ọ ga-eweta nnukwu ihe ịga nke ọma nye Madagascar.

Nigeria vs Madagascar: Ndị nwere ike ibido

Nigeria: Okoye, Aina, Ajayi, Bassey, Onyemaechi, Ndidi, F. Onyeka, Lookman, Iwobi, Chukwueze, Awoniyi.

Madagascar: Dupire, Kari, Fontaine, Tremoulet, Acapandie, Ilaimaharitra, Raveloson, Randriamalala, Ponti, Caddy, Abdallah.